Onde Tanker banke altid paa. Luk til, saa maae de gaae.

Se flere sitater

Henrik Wergeland elii dušše 37 jagi (1808–1845), muhto dan áigodagas son gearggai dahkat issoras olu. Son leai álbmotčuvgejeaddji, riikaarkivára, olmmošlašvuođa ja gierdavašvuođa bealušteaddji, muhto maiddá iešdahkes ja riidái. Ávvudan dihtii ahte dán jagi lea 200 jagi áigi dassá go son riegádii, lea dát neahttabáiki huksejuvvon. Dás gávnnat dađis ođđa dieđuid ja oahpásmuvat Wergelandda eallimiin ja čállosiiguin. Dás maiddá gávnnat muhtun Wergeland-divttaid jorgaluvvon sámegillii, ja dan lea dahkan girjjálašvuođadutki ja girječálli Harald Gaski, gii beaivválaččat bargá Romssa universitehtas. Gaski lea dovddus jorgaleaddji sihke sáme-, dáro- ja eŋgelasgillii, ja lea ge almmuhan moanat čáppagirjjálaš čoakkáldagaid su fágačállosiid lassin.
Dás gávnnat 3 guovddáš Wergeland-divtta, jorgaluvvon ja heivehuvvon davvisámegillii. Dat leat ”Til Foraaret”, ”Mig Selv” ja ”Til min Gyldenlak”. “Til min Gyldenlak” lea okta daid maŋimuš divttain maid Wergeland čálii, 1845 giđa.

Gro Roksand, 22. januar 2008 | Skriv ut siden